શાકભાજી પાકો માટે કાચા અને પાકા મંડપ સહાય યોજના

ગુજરાતના બાગાયત ખેડૂતો વેલાવાળા શાકભાજી (જેવા કે કારેલા, દૂધી, ગલકા, તુરીયા, પરવળ, કાકડી અને ટામેટાં) ની ગુણવત્તાયુક્ત ખેતી કરી શકે તે હેતુથી બાગાયત વિભાગ દ્વારા કાચા (વાંસ/તાર) અને કાયમી પાકા (જી.આઈ. વાયર/આરસીસી થાંભલા) મંડપ બનાવવા માટે માતબર સહાય આપવામાં આવે છે. આ યોજના હેઠળ સામાન્ય ખેડૂતોને ખર્ચના 50% (રૂ. 16,000 થી રૂ. 25,000 પ્રતિ હેક્ટર) અને અનુસૂચિત જાતિ (SC) તથા અનુસૂચિત જનજાતિ (ST) ના ખેડૂતોને ખર્ચના 70% થી 75% અથવા મહત્તમ રૂ. 50,000/- પ્રતિ હેક્ટર સુધીની સહાય મળે છે. મંડપ પદ્ધતિથી શાકભાજી જમીનને અડકતા ન હોવાથી સડતા નથી, ફળ સીધા અને ચમકદાર બને છે અને એકંદર ઉત્પાદનમાં 35% થી 40% નો વધારો થાય છે.